Il-Budaj Frans Baldacchino, Il-Budaj kien ħabib tal-Għanja tal-Poplu. Kien kburi jghanni bl-ilsien Malti. Ironikament kellhom ikunu l-Franċizi li rrekordjaw l-ewwel CD tal-Budaj.
|
Ħuwa ipparteċipa fl-Għanja tal-Poplu 2001 bil-kanzunetta 'Tisimgħu Tissaħar' u kiseb l-ewwel premju, b'għanja li żżewwaq l-għanja tradizzjonali ma' dik moderna.
L-Għanja tal-Poplu onorat lill-Budaj bil-premju 'L-Għanja li Tibqa’ fl-2002, bħala rikonoxximent tal- ħidma kontinwa favur l-Għanja Maltija.
|
ż
Frans Baldacchino Il-Budaj, ħalliena fil-21 ta Ġunju 2006, imma l-Għanja tiegħu tibqa'.
L-Għanja li tibqa'
Gih Mogħti lil Frans Baldacchino fl-2002, għall-ħidma kontinwa fil-qasam tal-kanzunetta Maltija.
Lil ħadd ma għandu jidher stramb li l-ġieħ lill-persunġġ fil-qasam tal-kanzunetta Maltija qed imur wkoll għand għannej, u għannej prim. Frans Baldacchino. Il-Budaj, għandu l-mertu kbir li kien l-iktar persunaġġ responsabbli biex l-għana mhux biss jinżamm, imma jibqa’ jiżvilluppa f’temi ġodda li jixirqu lill-pass ta’żvillup tal-poplu tagħna. Mhux ta’ b’xejn li bosta nies li l-għana qatt ma riedu jisimgħu biss bih, issa qed iwaqqfu widnejhom malli jisimgħu dik il-kisra fina u espressiva ta’ leħen il-Budaj. Frans huwa persunaġġ interessanti u kolt, artista konxju u ġenwin kif jidher mhux biss mill-bosta għana maħsub li jikteb, imma wkoll mill-poeżiji teigħu ppublikati fil-ktieb “Imrieżaq ta’ Qalbi” u fil-kwadri sbieħ tal-pittura tiegħu. Is-sena li għaddiet Frans daħal ukoll fil-lista tar-rebbieħa ta’ “L-Għanja tal-Poplu”, b’kanzunetta interessanti li tfisser ir-rabta ta’ l-għana tradizzjonali mal-kanzunetta Maltija tal-lum. Għalina l-Budaj jirrapreżenta dik il-kontinwita’ importanti li tant nixtiequ fix-xena mużikali Maltija. Kitba : Dr Manwel Mifsud - April 2002 K |
Artikli oħra dwar Frans Baldacchino: