L-GĦANJA TAL-POPLU2011

Manwel Mifsud

Professur tal-Lingwa Maltija, kantawtur u sostenitur tal-Għanja Tal-Poplu.

Videos minn Għanafest 2009 u mil L-Għanja Tal-Poplu:

Manwel Mifsud huwa kantawtur ewlieni fil-qasam tal-kanzunetta Maltija. Fis-sebgħinijiet Manwel flimkien ma' Therese Cassar kiteb u kkompona r-rakkont tal-passjoni bl-album Ikun Li Trid Int. Mis-sebgħinijiet 'l hawn Ikun Li Trid Int ġiet interpretata ħafna drabi fl-ibliet u l-irħula Maltin.

Manwel bħala membru attiv tal-YTC ħa sehem sa mill-bidu nett fil-Festival ta' kanzunetti li kien isir bejn il-membri tal-YTC u li wara issejjaħ L-Għanja Tal-Poplu. Fost il-kanzunetti insibu Ir-Raħal Tiegħi (1974), Għanja Lil-Liberta' (1975), April (1983), Carmelina (1984) , Din L-Art (1993), Lunapark (1993). Bħala għalliem tal-Liceo Vassalli kien kiteb il-kanzunetta Mikiel Anton Vassalli. Hemm ħafna kanzunetti oħra sbiħ li instemgħu darba biss waqt xi okkażjoni u l-poplu Malti baqa' qatt ma semagħhom. Manwel Mifsud għandu għal qalbu l-Għanja bil-Malti, imma xogħol li għandu ma jħallilux ħin.

Manwel Mifsud hu bniedem iddedikat għall-lingwa Maltija u bħala professur tal-Malti fl-Universita' ta' Malta ma tantx isib ħin biex joqgħod jirrekordja fl-istudjos l-kanzunetti tiegħu. Pero mhux l-ewwel darba li ssorprenda lill-istudenti tieghu billi daqqilhom xi kanzunetta.

Għaldaqstant hemm bżonn li x-xogħolijiet tal-kantawtur Manwel Mifsud jinġabru u jkunu ippublikati biex jitgawdew mill-poplu Malti. Żgur li l-għanjiet ta' Manwel inebbħu u jkunu ta' ispirazzjoni għaż-żgħażagħ ta' llum li jixtiequ jesprimu rwieħom permezz tal-għanja bil-Malti.

Isma IKUN LI TRID INT ( CD tinkiseb mill-YTC il-belt info@ytc.org.mt )

Żid il-kumment tieghek hawn taħt :