Corazon u Antonio

Corazon Mizzi (kant/lirika) u Antonio Olivari (kitarra/mużika) bdew jikkollaboraw bħala duo aktar kmieni din is-sena u jdoqqu f'varjeta' ta' postijiet u kunċerti. Antonio, għalkemm bħala mużiċist u kompożitur ilu attiv is-snin, għalih din ser tkun l-ewwel darba li ser ikun qiegħed jipparteċipa f'festival. Ghal Corazon minn naha l-ohra din ser tkun it-tielet partecipazzjoni fl-Ghanja tal-Poplu. S’issa dejjem hadet sehem b’kanzunetti miktubin kompletament minnha, pero’ din id-darba qed tesperimenta b’kollaborazzjoni interessanti ma’ Antonio. Corazon u Antonio, it-tnejn għandhom għal qalbhom il-mużika u huma tal-fehma li din għandha tkun espressjoni ġewwinija u mhux prodott artifiċjali ddettat mis-suq kummerċjali.

Il-kanzunetta li ser jippreżentaw jisimgħa 'Se Ngħaddi 'l Hawn'. Il-lirika, miktuba minn Corazon, tieħu xejra nostalġika, u għalkemm hija kemmxejn awtobijografika fiha wkoll element ta' kreattivita'. Ir-rakkont ta' din il-kanzunetta jinħall bil-mod il-mod hekk kif il-mużika tissawwar u jaf jissorprendi xi ftit lejn l-aħħar. Il-mużika, miktuba minn Antonio, toħloq l-atmosfera adattata għal dan ir-rakkont.

Fis-serata ser jingħaqad magħhom ukoll Kenneth Chircop (ex-Hidden Sun) li ser idoqq il-kitarra akustika.

  Kanzunetta 2008  :  Se  Nghaddi 'l Hawn